విద్యార్థుల నిరసనలపై పిటిషన్ల విచారణకు సుప్రీంకోర్టు అంగీకారం.. సోమవారం విచారణ

పోలీసుల బలప్రయోగంపై దాఖలైన రెండు పిటిషన్లు స్వీకరణ – అత్యవసర విచారణకు నిరాకరణ, సాధారణ జాబితాలో చేర్పు

న్యూఢిల్లీ, జూలై 24: పరీక్షా పత్రాల లీకేజీకి వ్యతిరేకంగా దేశవ్యాప్తంగా జరిగిన విద్యార్థుల నిరసనల సందర్భంగా పోలీసులు మితిమీరిన బలప్రయోగానికి పాల్పడ్డారంటూ దాఖలైన రెండు పిటిషన్లను విచారించేందుకు సుప్రీంకోర్టు అంగీకరించింది. ఈ పిటిషన్లను వచ్చే సోమవారం విచారణకు తీసుకోవాలని నిర్ణయించింది.

శుక్రవారం ప్రధాన న్యాయమూర్తి జస్టిస్ సూర్యకాంత్ నేతృత్వంలోని ధర్మాసనం ముందు సీనియర్ న్యాయవాది గోపాల్ శంకరనారాయణన్ ఈ అంశాన్ని ప్రస్తావించారు. విద్యార్థి నిరసనకారులపై జరిగిన పోలీసు చర్యలకు సంబంధించిన రెండు పిటిషన్లు అధికారికంగా దాఖలయ్యాయని, వాటిని అత్యవసరంగా విచారించాలని ఆయన కోర్టును కోరారు.

పోలీసులు విద్యార్థులపై అధిక బలప్రయోగం చేస్తున్నారని, పరిస్థితిని నియంత్రించేందుకు కోర్టు జోక్యం అవసరమని న్యాయవాది వాదించారు. అయితే అత్యవసర విచారణకు ధర్మాసనం అంగీకరించకపోయినా, పిటిషన్లను సోమవారం విచారణకు జాబితాలో చేర్చాలని ఆదేశించింది.

ఇదిలా ఉండగా, పరీక్షా పత్రాల లీకేజీ వ్యవహారంపై నిరసనగా ఢిల్లీలోని జంతర్ మంతర్ నుంచి పార్లమెంట్ వరకు చేపట్టిన మార్చ్ సందర్భంగా పలువురు విద్యార్థులను పోలీసులు అడ్డుకోవడం, కొన్ని చోట్ల లాఠీచార్జ్, భాష్పవాయువు ప్రయోగించినట్లు ఆరోపణలు వ్యక్తమవుతున్నాయి.

Author: पेंडकर श्रीनिवास

V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832