బోధన్, జూలై 23: ప్రధాని నివాసం ఎదుట కాంగ్రెస్ అగ్రనేత రాహుల్ గాంధీ చేపట్టిన నిరసనను ఖండిస్తూ భారతీయ జనతా పార్టీ బోధన్ రూరల్ మండల శాఖ ఆధ్వర్యంలో గురువారం రాజన్న చౌరస్తా వద్ద నిరసన కార్యక్రమం నిర్వహించారు. ఈ సందర్భంగా రాహుల్ గాంధీ దిష్టిబొమ్మను దహనం చేసి కేంద్ర ప్రభుత్వానికి వ్యతిరేకంగా కాంగ్రెస్ చేపడుతున్న నిరసనలను బీజేపీ నాయకులు తీవ్రంగా తప్పుబట్టారు.
ఈ సందర్భంగా బీజేపీ బోధన్ రూరల్ మండల అధ్యక్షుడు సిర్ప సుదర్శన్ మాట్లాడుతూ, దేశ ప్రధానమంత్రి నివాసం ఎదుట చేపట్టిన నిరసనలు ప్రజాస్వామ్య విలువలకు విరుద్ధమని ఆరోపించారు. ప్రజాసమస్యలపై అభ్యంతరాలు ఉంటే పార్లమెంట్లో చర్చించాల్సిందే తప్ప, ప్రచారం కోసం ఇటువంటి చర్యలకు దిగడం సమంజసం కాదన్నారు.
నీట్ (NEET) అంశాన్ని కాంగ్రెస్ రాజకీయ ప్రయోజనాల కోసం ఉపయోగించుకుంటోందని, రాష్ట్రంలో ప్రజలకు ఇచ్చిన హామీల అమలుపై దృష్టి పెట్టాలని కాంగ్రెస్ నాయకత్వాన్ని కోరారు. దేశ శాంతి భద్రతలకు భంగం కలిగించే చర్యలను బీజేపీ సహించబోదని స్పష్టం చేశారు.
కార్యక్రమంలో మండల ప్రధాన కార్యదర్శులు జంగం వెంకటేష్, దొనకంటి లక్ష్మారెడ్డి, ఉపాధ్యక్షుడు బండారుపల్లి సాయిలు, సీనియర్ నాయకులు భాస్కర్ రెడ్డి, లచప్ప, బంటు గంగాధర్, నమిళ్ల సాయి, మాజీ మండల ప్రధాన కార్యదర్శి జిలకర ప్రవీణ్, శక్తి కేంద్రాల ఇన్చార్జీలు, బూత్ అధ్యక్షులు, బీజేపీ నాయకులు, కార్యకర్తలు పాల్గొన్నారు.
> గమనిక: ఈ వార్తలో పేర్కొన్న ఆరోపణలు, వ్యాఖ్యలు బీజేపీ నాయకులు చేసినవే. వాటిపై కాంగ్రెస్ పార్టీ స్పందన అందుబాటులో లేదు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
