బోధన్, జూలై 23: కేంద్ర ప్రభుత్వంపై కాంగ్రెస్ పార్టీ నాయకులు తీవ్ర ఆగ్రహం వ్యక్తం చేశారు. NEET పేపర్ లీకేజీ అంశంపై ఢిల్లీలో శాంతియుతంగా నిరసన వ్యక్తం చేస్తున్న లోక్సభ ప్రతిపక్ష నాయకుడు రాహుల్ గాంధీ, కాంగ్రెస్ జాతీయ అధ్యక్షుడు మల్లికార్జున ఖర్గే, ప్రియాంక గాంధీతో పాటు పలువురు కాంగ్రెస్ నేతలను పోలీసులు అరెస్టు చేయడాన్ని నిరసిస్తూ గురువారం బోధన్లో కాంగ్రెస్ పార్టీ ఆధ్వర్యంలో ధర్నా, రాస్తారోకో నిర్వహించారు.
ఈ కార్యక్రమం ప్రభుత్వ ముఖ్య సలహాదారు, బోధన్ ఎమ్మెల్యే పొద్దుటూరి సుదర్శన్ రెడ్డి ఆదేశాల మేరకు చేపట్టినట్లు పార్టీ నాయకులు తెలిపారు. కేంద్ర ప్రభుత్వం ప్రజాస్వామ్య హక్కులను అణిచివేస్తోందని, శాంతియుత నిరసనలకు కూడా అవకాశం ఇవ్వకుండా కాంగ్రెస్ నాయకులను అరెస్టు చేయడం ప్రజాస్వామ్యానికి విరుద్ధమని వారు విమర్శించారు.
ఈ నిరసన కార్యక్రమంలో కాంగ్రెస్ కౌన్సిలర్లు, మాజీ కౌన్సిలర్లు, ముఖ్య నాయకులు, కార్యకర్తలు పెద్ద సంఖ్యలో పాల్గొని విజయవంతం చేశారు. కార్యక్రమం విజయవంతం కావడానికి సహకరించిన ప్రతి ఒక్కరికీ కాంగ్రెస్ నాయకులు కృతజ్ఞతలు తెలిపారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
