“ప్రతి అర్హుడికి ఓటు హక్కు – పారదర్శక ఓటరు జాబితాతోనే బలమైన ప్రజాస్వామ్యం.”
సాలూరు, జూన్ 23 (ప్రతినిధి):
ఓటరు జాబితా సవరణలు పూర్తిస్థాయి పారదర్శకతతో నిర్వహించాలని సాలూరు తహసీల్దార్ అజ్మత్ నవాజ్ సూచించారు. సాలూరు రైతు వేదికలో సోమవారం ఆయన ఆధ్వర్యంలో బూత్ స్థాయి అధికారులు (బీఎల్ఓలు) మరియు బూత్ స్థాయి ఏజెంట్లు (బీఎల్ఏలు) కోసం ప్రత్యేక అవగాహన సదస్సు నిర్వహించారు.
ఈ సందర్భంగా రాబోయే ఎన్నికల ప్రక్రియలో భాగంగా ఓటరు జాబితా సవరణలు, కొత్త ఓటర్ల నమోదు, పేరు మార్పులు, చిరునామా సవరణలు, తొలగింపులకు సంబంధించిన దరఖాస్తులను పరిశీలించేటప్పుడు అనుసరించాల్సిన విధానాలపై ఆయన సమగ్రంగా వివరించారు.
క్షేత్రస్థాయిలో పనిచేసే బీఎల్ఓలు, బీఎల్ఏలు రాజకీయాలకు అతీతంగా నిష్పక్షపాతంగా వ్యవహరించాలని, ప్రజల నుంచి అందే దరఖాస్తులు, ఫిర్యాదులను సకాలంలో పరిష్కరించేందుకు ఎల్లప్పుడూ అందుబాటులో ఉండాలని సూచించారు. అర్హులైన ప్రతి ఒక్కరికీ ఓటు హక్కు కల్పించడమే ఎన్నికల సంఘం ప్రధాన లక్ష్యమని, అందుకు బాధ్యతాయుతంగా విధులు నిర్వహించి ఎన్నికల నిబంధనలను ఖచ్చితంగా పాటించాలని తహసీల్దార్ అజ్మత్ నవాజ్ స్పష్టం చేశారు.
Author: V1News Telangana.& Hindi & Mharti.
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
