పేద కుటుంబాల సొంతింటి కల సాకారం – లబ్ధిదారుల్లో ఆనందోత్సాహం..
హున్సా గ్రామంలో ఇందిరమ్మ ఇళ్ల పథకం కింద నిర్మించిన గృహాల గృహప్రవేశ కార్యక్రమం సోమవారం ఘనంగా నిర్వహించారు. పేద కుటుంబాలకు సొంతింటి కలను నెరవేర్చే లక్ష్యంతో ప్రభుత్వం అమలు చేస్తున్న ఈ పథకం ద్వారా పలువురు లబ్ధిదారులు తమ కొత్త ఇళ్లలో అడుగుపెట్టారు.
కొత్త ఇంట్లో ప్రవేశించిన లబ్ధిదారులు తమ ఆనందాన్ని వ్యక్తం చేస్తూ, ఈ అవకాశం కల్పించిన ప్రభుత్వానికి మరియు ఎమ్మెల్యే సుదర్శన్ రెడ్డికి కృతజ్ఞతలు తెలిపారు. పేదల సంక్షేమం కోసం ప్రభుత్వం చేపడుతున్న కార్యక్రమాలు తమ జీవితాల్లో కొత్త ఆశలను నింపాయని వారు పేర్కొన్నారు.
ఈ కార్యక్రమంలో గ్రామ సర్పంచ్ మర్కల్ శివకుమార్, ఉప సర్పంచ్ తుడిమే నగేష్, కాంగ్రెస్ పార్టీ గ్రామ అధ్యక్షుడు షమీ శంకర్, వార్డు సభ్యులు దేశాయి శంకర్, వడ్జె గోవిందు, దేవుబాయి, అనిత, దుర్పతిబాయి, రాణమ్మ, ఇందిరమ్మ కమిటీ సభ్యులు వల్లకొండ నాని, దుర్పతయ్య, వందన, పంచాయతీ కార్యదర్శి శ్రీనివాస్, కాంగ్రెస్ పార్టీ సీనియర్ నాయకులు చిల ప్రకాష్, మల్కుగొండతో పాటు ఇతర ప్రజాప్రతినిధులు, నాయకులు మరియు గ్రామస్థులు పాల్గొన్నారు.
గృహప్రవేశ కార్యక్రమం సందర్భంగా గ్రామంలో పండుగ వాతావరణం నెలకొనగా, లబ్ధిదారుల కుటుంబాలు తమ ఆనందాన్ని బంధుమిత్రులతో పంచుకున్నాయి.
Author: V1News Telangana.& Hindi & Mharti.
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
