బోధన్, సెప్టెంబర్ 24:
గణేష్ నవరాత్రి ఉత్సవాలను పురస్కరించుకొని ఏకచక్ర శివాలయం ప్రాంగణంలో ప్రతిష్ఠించిన గణనాథుని నిమజ్జన శోభాయాత్రను ఈ నెల 25న అనంత చతుర్దశి సందర్భంగా ఘనంగా నిర్వహించనున్నట్లు బోధన్ సార్వజనిక్ గణేష్ ఉత్సవ కమిటీ అధ్యక్షుడు పూజారి లింగం తెలిపారు.
గురువారం ఏకచక్ర శివాలయం ప్రాంగణంలో నిర్వహించిన విలేకరుల సమావేశంలో ఆయన మాట్లాడారు. ప్రతి ఏడాది మాదిరిగానే ఈ ఏడాది కూడా గణేష్ ఉత్సవాలను అత్యంత వైభవంగా నిర్వహిస్తున్నామని తెలిపారు. ఈ నెల 14న ఏకచక్ర శివాలయంలో బొజ్జ గణపయ్య విగ్రహ ప్రతిష్ఠాపన శోభాయమానంగా నిర్వహించినట్లు పేర్కొన్నారు.
25న మధ్యాహ్నం 2 గంటలకు ఏకచక్ర శివాలయం నుంచి గణనాథుని నిమజ్జన శోభాయాత్ర ప్రారంభమవుతుందని తెలిపారు. శోభాయాత్రకు ముందు మధ్యాహ్నం 1 గంట నుంచి భక్తులకు మహా అన్నప్రసాద వితరణ కార్యక్రమం నిర్వహించనున్నట్లు వెల్లడించారు.
నిమజ్జన శోభాయాత్రలో పట్టణ ప్రముఖులు, భక్తులు, ప్రజాప్రతినిధులు, అధికారులు, ప్రజలు పెద్ద సంఖ్యలో పాల్గొని ఉత్సవాలను విజయవంతం చేయాలని పూజారి లింగం కోరారు.
ఈ సమావేశంలో శివాలయం కమిటీ అధ్యక్షుడు లక్ష్మణ్ రావు పటేల్, సార్వజనిక్ గణేష్ ఉత్సవ కమిటీ సభ్యులు బీర్కూర్ బుజ్జి, మాసుల శ్రీనివాస్, గుమ్ముల అశోక్ రెడ్డి, బక్కన్న, కడికే శివ, రుద్ర సత్యనారాయణ తదితరులు పాల్గొన్నారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
