గణేష్‌ నిమజ్జన బందోబస్తు వేళ.. అక్రమ ఇసుక రవాణా జోరా?..“శివుడి వెతుకులాట గణేశుడి కోసం.. రామలక్ష్మణుల వేట సీత కోసం.. అప్పటి వేట ధర్మం కోసం.. మరి నేటి రాత్రి వేట ఎవరి స్వార్థం కోసం?”

గణేష్‌ నిమజ్జన బందోబస్తు వేళ.. .అక్రమ ఇసుక..

రాత్రివేళల్లో బొలెరో గూడ్స్‌, ట్రాలీ ఆటోలు, ట్రాక్టర్లతో రవాణా జరుగుతోందన్న ఆరోపణలు…???

“శివుడి వెతుకులాట గణేశుడి కోసం.. మరి వీరి రాత్రి వేట ఎవరి కోసం?”

కొందరు జర్నలిస్టుల పాత్రపై కూడా ఆరోపణలు.. అధికారుల నిఘా ఎక్కడ?

పదేపదే పట్టుబడుతున్న వాహనాలకు నామమాత్రపు జరిమానాలేనా?

బోధన్/సాలూర, సెప్టెంబర్ 23:
గణేష్‌ నిమజ్జన కార్యక్రమాల నేపథ్యంలో పోలీసు, రెవెన్యూ, మైన్స్‌. అధికారులు బందోబస్తు, ఇతర విధుల్లో నిమగ్నమై ఉన్న సమయంలో ఇదే అదనుగా చేసుకుని సాలూర పరిధిలో అక్రమ ఇసుక రవాణా సాగుతోందన్న ఆరోపణలు వినిపిస్తున్నాయి.

స్థానికంగా అందుతున్న సమాచార ప్రకారం బొలెరో గూడ్స్‌ వాహనాలు, ట్రాలీ ఆటోలు, వ్యవసాయ పనులకు ఉపయోగించే ట్రాక్టర్ల ద్వారా రాత్రి వేళల్లో ఇసుక తరలింపు జరుగుతోందని తెలుస్తోంది. ముఖ్యంగా రాత్రి 7 గంటల నుంచి 10 గంటల వరకు, అర్ధరాత్రి 12 గంటల నుంచి 2 గంటల వరకు, తెల్లవారుజామున 5 గంటల నుంచి 8 గంటల వరకు వాహనాల రాకపోకలు జరుగుతున్నాయన్న ఆరోపణలు ఉన్నాయి.

 కొందరు జర్నలిస్టుల పేర్లు ఎందుకు వినిపిస్తున్నాయి?

ఇసుక అక్రమ రవాణాకు కొందరు జర్నలిస్టులు సహకరిస్తున్నారనే ఆరోపణలు కూడా స్థానికంగా వినిపిస్తున్నాయి. అయితే ఈ ఆరోపణలకు సంబంధించిన వాస్తవాలను అధికారులే సమగ్రంగా విచారించాల్సి ఉంది.

అక్రమ రవాణాదారులు తమ మాట వినకపోతే అధికారులకు సమాచారం ఇస్తామని బెదిరిస్తూ కొందరు వ్యక్తులు డబ్బులు వసూలు చేస్తున్నారనే ఆరోపణలు కూడా ఉన్నాయి. ఈ వ్యవహారంలో నిజానిజాలు తేల్చేందుకు సీసీ కెమెరాల ఫుటేజీ, కాల్‌ డేటా, వాహనాల రాకపోకలు, రికార్డులు, పట్టుబడిన వాహనాల వివరాలను అధికారులు పరిశీలించాల్సిన అవసరం ఉంది.

పగలు ప్రభుత్వ కార్యాలయాల వద్ద.. రాత్రి రహదారులపై?

మరోవైపు రాత్రివేళల్లో అక్రమ రవాణాకు సహకరిస్తున్నారనే ఆరోపణలు ఎదుర్కొంటున్న కొందరు వ్యక్తులు పగటి సమయంలో ప్రభుత్వ కార్యాలయాల వద్ద కనిపిస్తూ పట్టుబడిన వాహనాల వ్యవహారాల్లో అధికారులతో సంప్రదింపులు జరుపుతున్నారనే ఆరోపణలు వినిపిస్తున్నాయి.

ఇవి కేవలం ఆరోపణలా? లేక వాస్తవంగా ఏదైనా వ్యవస్థ పనిచేస్తుందా? అనే ప్రశ్నలు స్థానికంగా చర్చకు వస్తున్నాయి.

పదేపదే పట్టుబడుతున్న వాహనాలపై ఎందుకు కఠిన చర్యలు లేవు?

అక్రమ ఇసుక రవాణాలో ఒకే వాహనం పదేపదే పట్టుబడుతున్నప్పటికీ ప్రతిసారి నామమాత్రపు జరిమానాలతోనే వ్యవహారం ముగుస్తోందా?
పట్టుబడిన వాహనాలపై గతంలో తీసుకున్న చర్యలతో పోలిస్తే ప్రస్తుతం చర్యలు ఎందుకు భిన్నంగా కనిపిస్తున్నాయి?
పదేపదే పట్టుబడుతున్న వాహనాలను ఎందుకు సీజ్‌ చేయడం లేదు?
నిబంధనల ప్రకారం తదుపరి చర్యలు ఎందుకు తీసుకోవడం లేదు?
జరిమానా మొత్తానికి, వాహనాన్ని విడిపించేందుకు చెల్లించిన మొత్తానికి మధ్య ఏమైనా వ్యత్యాసం ఉందా?

తెలంగాణ ఇసుక రవాణా నిబంధనల ప్రకారం చెల్లుబాటు అయ్యే ట్రాన్సిట్‌ పాస్ లేకుండా ఇసుకను రవాణా చేయడం నిబంధనలకు విరుద్ధం. అలాగే రెండుసార్లకు మించి అక్రమ రవాణాలో పట్టుబడిన వాహనాలు/యంత్రాలపై సీజ్‌ లేదా స్వాధీనం ప్రక్రియకు నిబంధనల్లో అధికారులకు అవకాశం కల్పించబడింది.

సీసీ కెమెరాలతో నిఘా పెడితే నిజాలు బయటపడతాయా?

ప్రధాన రహదారులు, ఇసుక తరలింపు జరుగుతోందని అనుమానం ఉన్న మార్గాల్లో రాత్రి సమయాల్లో సీసీ కెమెరా ఫుటేజీని అధికారులు ప్రత్యేకంగా పరిశీలిస్తే వాహనాల కదలికలపై స్పష్టత వచ్చే అవకాశం ఉంది.

అలాగే గతంలో పట్టుబడిన వాహనాల పూర్తి జాబితాను పరిశీలించి—

ఎన్ని వాహనాలు ఎన్నిసార్లు పట్టుబడ్డాయి?

ఎలాంటి జరిమానాలు విధించారు?

ఎన్ని వాహనాలు సీజ్‌ చేశారు?

ఎన్ని వాహనాలపై కేసులు నమోదయ్యాయి?

పదేపదే పట్టుబడిన వాహనాలపై తదుపరి చర్యలు ఏమిటి??

ప్రధాన అర్హదారులపై ఉన్న సీసీ కెమెరాల రికార్డులు ఏమి చెబుతున్నాయి?

అనే అంశాలపై ఉన్నతాధికారులు సమగ్ర విచారణ చేపట్టాల్సిన అవసరం ఉంది.

“దీని వెనుక ఎవరి హస్తం?”

అక్రమ ఇసుక రవాణాపై గతంలో కఠిన చర్యలు తీసుకున్న అధికారులు ప్రస్తుతం నామమాత్రపు జరిమానాలతోనే వదిలేస్తున్నారనే ఆరోపణలు నిజమేనా?

పట్టుబడిన వాహనాల విషయంలో ఎవరెవరు అధికారులను సంప్రదిస్తున్నారు?
అక్రమ రవాణాకు ఎవరు అండగా నిలుస్తున్నారు?
వసూళ్లకు పాల్పడుతున్నారనే ఆరోపణల్లో వాస్తవమెంత?
ప్రభుత్వ కార్యాలయాల వద్ద జరుగుతున్న అనుమానాస్పద సంప్రదింపులపై అధికారులు నిఘా పెట్టారా?

ఈ ప్రశ్నలకు జిల్లా ఉన్నతాధికారులు సమాధానం చెప్పాల్సిన అవసరం ఉందని స్థానికులు కోరుతున్నారు.

అక్రమ ఇసుక తవ్వకం, రవాణా, నిల్వలపై కఠిన చర్యలు తీసుకోవాల్సిన బాధ్యత సంబంధిత శాఖలపై ఉందని ప్రభుత్వ మైన్స్‌ అండ్‌ జియాలజీ శాఖ కూడా స్పష్టం చేస్తోంది.

ఆరోపణలు నిజమైతే బాధ్యులపై చర్యలు ఎప్పుడు?
ఆరోపణలు అవాస్తవమైతే వాస్తవాలను అధికారులు ఎప్పుడు వెల్లడిస్తారు?
అక్రమ ఇసుక రవాణాకు అడ్డుకట్ట ఎప్పుడు?
పదేపదే పట్టుబడుతున్న వాహనాలపై కఠిన చర్యలు ఎప్పుడు?

ఈ ప్రశ్నలకు జిల్లా కలెక్టర్‌, పోలీసు ఉన్నతాధికారులు, మైన్స్‌ అండ్‌ రెవెన్యూ అధికారులు సమగ్ర విచారణతో స్పష్టత ఇవ్వాల్సిన అవసరం ఉంది….

🔥 “శివుడి వెతుకులాట గణేశుడి కోసం.. రామలక్ష్మణుల వేట సీత కోసం.. అప్పటి వేట ధర్మం కోసం.. నేటి వేట ఎవరి ప్రయోజనం కోసం?”

Author: पेंडकर श्रीनिवास

V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832