శాంతియుత నిమజ్జనానికి నిర్వాహకులు సహకరించాలి: బోధన్ రూరల్ ఎస్హెచ్ఓ రాజశేఖర్
బోధన్, సెప్టెంబర్ 22: గణేష్ నిమజ్జన ఊరేగింపును ప్రశాంతంగా, సురక్షితంగా నిర్వహించేందుకు ప్రతి ఒక్కరూ పోలీసుల సూచనలు, నిబంధనలు తప్పనిసరిగా పాటించాలని బోధన్ రూరల్ పోలీస్ స్టేషన్ ఎస్హెచ్ఓ రాజశేఖర్ సూచించారు. నిమజ్జన ఊరేగింపులో డీజేలకు అనుమతి లేదని ఆయన స్పష్టం చేశారు…
గణేష్ మండపాల నిర్వాహకులు నిమజ్జన కార్యక్రమానికి ముందుగానే అవసరమైన జాగ్రత్తలు తీసుకోవాలని, మండపాల వద్ద అప్రమత్తంగా ఉండాలని సూచించారు. ఊరేగింపులో పాల్గొనే భక్తులు, యువతకు కూడా పోలీసుల నిబంధనలపై అవగాహన కల్పించాలని కోరారు.
ఊరేగింపు సమయంలో క్రమశిక్షణ, సంయమనం పాటిస్తూ పోలీసులకు సహకరించాలని ఎస్హెచ్ఓ సూచించారు. ఎలాంటి అవాంఛనీయ ఘటనలకు అవకాశం లేకుండా నిర్వాహకులు బాధ్యతాయుతంగా వ్యవహరించాలని తెలిపారు. నిమజ్జన మార్గంలో ప్రజలకు ఇబ్బందులు కలగకుండా తగిన జాగ్రత్తలు తీసుకోవాలని పేర్కొన్నారు.
భక్తి, ఉత్సాహంతో వేడుకలు నిర్వహించుకోవడంతో పాటు నిబంధనలను గౌరవించడం ప్రతి ఒక్కరి బాధ్యత అని పోలీసులు సూచించారు. గణేష్ నిమజ్జన వేడుకలు ప్రశాంతంగా, సజావుగా జరిగేలా నిర్వాహకులు, భక్తులు పోలీసులకు సహకరించాలని ఎస్హెచ్ఓ రాజశేఖర్ కోరారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
