“సూర్యుడిని మబ్బులు కొంతసేపే కప్పగలవు, నిజాన్ని శాశ్వతంగా కాదు.”
“అబద్ధం ఎంత ప్రచారం చేసినా, నిజం సూర్యుడిలా వెలుగుతుంది.”
“శివుడి సాక్షిగా చేసిన తప్పు ఎప్పటికైనా బయటపడుతుంది.”
“శివుడి మూడో కన్ను తెరిస్తే అసత్యం భస్మమే.”
బోధన్
నిజామాబాద్ జిల్లా బోధన్ నియోజకవర్గ పరిధిలో అక్రమ ఇసుక రవాణా, పీడీఎస్ బియ్యం అక్రమ తరలింపు, ఇతర అక్రమ రవాణాల వ్యవహారాల్లో కొంతమంది జర్నలిస్టుల పాత్రపై స్థానికంగా పలు ఆరోపణలు వినిపిస్తున్నాయి. ఈ ఆరోపణలపై జిల్లా ఉన్నతాధికారులు సమగ్ర విచారణ చేపట్టాలని స్థానికులు కోరుతున్నారు.
సాలూర రాజన్న చౌరస్తా, నాగంపల్లి ఆంజనేయస్వామి ఆలయం సమీపం, బాబా గార్డెన్, బోధన్ బైపాస్ వినాయక మందిరం, శ్రీనివాస్ క్యాంప్ చౌరస్తా తదితర ప్రాంతాల్లో అక్రమ రవాణా జరుగుతున్న సమయంలో కొందరు వ్యక్తులు తమను జర్నలిస్టులుగా పరిచయం చేసుకుంటూ కొన్ని వాహనాలను అడ్డగట్టి, మరికొన్ని వాహనాలకు సహకరిస్తున్నారనే ప్రచారం జరుగుతోందని స్థానికులు పేర్కొంటున్నారు.
అలాగే అక్రమ ఇసుక రవాణా, పీడీఎస్ బియ్యం అక్రమ తరలింపు, ఇతర అక్రమ రవాణాల్లో పాల్గొంటున్న కొన్ని వాహనాలకు పరోక్షంగా సహకారం అందిస్తున్నారనే ఆరోపణలు కూడా వినిపిస్తున్నాయి. పై అధికారుల దృష్టికి విషయం వెళ్లే పరిస్థితి ఏర్పడినప్పుడు మాత్రం “అక్రమ రవాణాలను అడ్డుకుని అధికారులకు సహకరిస్తున్నాం” అంటూ చెప్పుకుంటున్నారనే విమర్శలు వ్యక్తమవుతున్నాయి.
ఇటీవల రెవెన్యూ, పోలీసు శాఖలు అక్రమ ఇసుక రవాణా, పీడీఎస్ బియ్యం అక్రమ తరలింపుపై వరుస చర్యలు చేపడుతున్న నేపథ్యంలో, ఇటువంటి ఆరోపణలు ప్రజల్లో అనుమానాలకు తావిస్తున్నాయని స్థానికులు అంటున్నారు. అందువల్ల ఈ వ్యవహారంపై ప్రత్యేక నిఘా ఏర్పాటు చేసి, సీసీటీవీ దృశ్యాలు, కాల్ డేటా, వాహనాల వివరాలు, ఆర్థిక లావాదేవీలు తదితర అంశాలపై సమగ్ర విచారణ జరిపి వాస్తవాలను వెలికితీయాలని వారు డిమాండ్ చేస్తున్నారు.
అక్రమ రవాణాలకు ఎవరైనా సహకరించినట్లు తేలితే, వారి హోదా ఏదైనా సరే చట్టప్రకారం కఠిన చర్యలు తీసుకోవాలని స్థానికులు కోరుతున్నారు. అదే సమయంలో అక్రమాలను వెలుగులోకి తెచ్చే బాధ్యతాయుత జర్నలిజంపై ఇటువంటి ఆరోపణలు ప్రభావం చూపకుండా, వాస్తవాలను నిష్పక్షపాతంగా వెలికితీయాల్సిన అవసరం ఉందని అభిప్రాయపడుతున్నారు.
గమనిక: ఈ కథనంలో పేర్కొన్న అంశాలు స్థానికంగా వినిపిస్తున్న ఆరోపణలు, ప్రజల వాదనలు మరియు వినికిడి సమాచారం ఆధారంగా రూపొందించబడ్డాయి. వీటి నిజానిజాలను సంబంధిత అధికారులు విచారణ ద్వారా నిర్ధారించాల్సి ఉంది. విచారణ పూర్తయ్యే వరకు ఎవరినీ దోషిగా పరిగణించరాదు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
