**గుప్తదానం కంటే రక్తదానం మిన్న: గవర్నర్ శివప్రతాప్ శుక్ల**

**రాజ్ భవన్ (లోక్ భవన్) లో ఘనంగా ప్రపంచ రక్తదాతల దినోత్సవం.. అవార్డులు ప్రదానం చేసిన గవర్నర్**

**హైదరాబాద్ (రాజ్ భవన్), జూన్ 14:**
సమాజంలో గుప్తదానం కంటే రక్తదానం ఎంతో గొప్పదని, ప్రతి ఒక్కరూ మానవత్వంతో రక్తదానం చేసి తోటివారి ప్రాణాలు కాపాడాలని తెలంగాణ రాష్ట్ర గవర్నర్ శివప్రతాప్ శుక్ల పిలుపునిచ్చారు. ప్రపంచ రక్తదాతల దినోత్సవాన్ని పురస్కరించుకుని ఇండియన్ రెడ్ క్రాస్ సొసైటీ తెలంగాణ రాష్ట్ర శాఖ ఆధ్వర్యంలో ఆదివారం రాజ్ భవన్ (లోక్ భవన్) లో ప్రత్యేక అవార్డుల ప్రధానోత్సవ కార్యక్రమం జరిగింది. ఈ కార్యక్రమానికి గవర్నర్ ముఖ్య అతిథిగా విచ్చేసి, సమాజంలో అత్యధికంగా రక్తదానం చేసిన దాతలకు, రక్తదానాన్ని ప్రోత్సహించిన స్వచ్ఛంద సంస్థలు, ప్రభుత్వ విభాగాలకు అవార్డులను అందజేశారు.
### **పోలీస్, రెవెన్యూ విభాగాలకు పురస్కారాలు**
పోలీస్ డిపార్ట్‌మెంట్ ద్వారా అత్యధికంగా రక్తదాన శిబిరాలు నిర్వహించి, రక్తాన్ని సేకరించినందుకు గానూ నిజాంబాద్ జిల్లా కమిషనర్ ఆఫ్ పోలీస్ (CP) శ్రీ సాయి చైతన్య ఐపీఎస్ గారి తరపున నిజాంబాద్ అసిస్టెంట్ కమిషనర్ ఆఫ్ పోలీస్ (ACP) శ్రీ ప్రకాష్ గవర్నర్ చేతుల మీదుగా అవార్డును అందుకున్నారు. అలాగే, జిల్లా రెవెన్యూ ఎంప్లాయీస్ అసోసియేషన్ తరపున అత్యధిక సంఖ్యలో రక్తదాతలను ప్రోత్సహించినందుకు గానూ అసోసియేషన్ అధ్యక్షుడు రామన్ రెడ్డి ప్రతినిధిగా వర్ని ఎమ్మార్వో (MRO) ప్రశాంత్ ఈ పురస్కారాన్ని స్వీకరించారు.
### **87 సార్లు రక్తదానం చేసిన తోట రాజశేఖర్‌కు ప్రత్యేక అభినందనలు**
ఈ సందర్భంగా రాజ్ భవన్‌లో ఏర్పాటు చేసిన ప్రత్యేక రక్తదాన శిబిరాన్ని గవర్నర్ పరిశీలించారు. ఇప్పటివరకు రికార్డు స్థాయిలో 87 సార్లు రక్తదానం చేసిన రెడ్ క్రాస్ రాష్ట్ర కార్యవర్గ సభ్యుడు తోట రాజశేఖర్‌ను గవర్నర్ శివప్రతాప్ శుక్ల ప్రత్యేకంగా అభినందించి, శాలువాతో సత్కరించారు.
ఈ అవార్డుల ప్రదానోత్సవ కార్యక్రమంలో జిల్లా రెడ్ క్రాస్ చైర్మన్ బుస్సా ఆంజనేయులు, రాష్ట్ర కార్యవర్గ సభ్యుడు తోట రాజశేఖర్, కోశాధికారి కర్పూర వీందర్, జిల్లా కార్యవర్గ సభ్యుడు సూర్యనారాయణ మరియు ఇతర ముఖ్య నాయకులు, రెడ్ క్రాస్ ప్రతినిధులు పాల్గొన్నారు.

Author: V1News Telangana.& Hindi & Mharti.

V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832