“విద్య వెలుగు ఉంటేనే భవిష్యత్తు బలపడుతుంది.”
విద్యార్థులపై దాడులను ఖండించిన విద్యార్థి సంఘాలు.. నిట్ పేపర్ లీక్ దోషులపై కఠిన చర్యలు, కేంద్ర విద్యాశాఖ మంత్రి రాజీనామా చేయాలని డిమాండ్
హైదరాబాద్, జూలై 23 (వి1 న్యూస్):
రాష్ట్రవ్యాప్తంగా జూలై 24న నిర్వహించనున్న విద్యాసంస్థల బంద్కు PDSF, DSFI, BDSF విద్యార్థి సంఘాలు సంపూర్ణ మద్దతు ప్రకటించాయి. ఈ మేరకు హైదరాబాద్లోని సుందరయ్య విజ్ఞాన కేంద్రంలో గురువారం ఏర్పాటు చేసిన విలేకరుల సమావేశంలో PDSF రాష్ట్ర ప్రధాన కార్యదర్శి ఎన్. బాల్రాజ్, DSFI రాష్ట్ర కోశాధికారి సూర్యప్రకాశ్ మాట్లాడారు.
ఇటీవల జరిగిన నిట్ (NIT) పేపర్ లీక్ ఘటనపై సమగ్ర విచారణ జరిపి, బాధ్యులపై కఠిన చర్యలు తీసుకోవాలని వారు డిమాండ్ చేశారు. అలాగే లీకేజీ ఘటనకు నైతిక బాధ్యత వహిస్తూ కేంద్ర విద్యాశాఖ మంత్రి ధర్మేంద్ర ప్రధాన్ వెంటనే రాజీనామా చేయాలని కోరారు.
ఢిల్లీలో విద్యార్థులు, యువజన సంఘాలు నిర్వహించిన నిరసన కార్యక్రమంపై పోలీసులు టియర్ గ్యాస్, లాఠీచార్జ్ చేయడం వల్ల పలువురు విద్యార్థులు, యువకులు గాయపడడం దురదృష్టకరమని పేర్కొన్నారు. ప్రజాస్వామ్యబద్ధంగా నిరసన తెలిపే హక్కును అణచివేసే చర్యలను తీవ్రంగా ఖండించారు.
విద్యార్థులపై జరిగిన దాడులను నిరసిస్తూ తెలంగాణ వ్యాప్తంగా నిర్వహిస్తున్న విద్యాసంస్థల బంద్కు రాష్ట్రంలోని విద్యార్థులు, యువత పెద్ద సంఖ్యలో పాల్గొని విజయవంతం చేయాలని పిలుపునిచ్చారు.
ఈ సందర్భంగా వారు పలు డిమాండ్లను ప్రభుత్వ ముందుంచారు. వాటిలో:
- నిట్ పేపర్ లీక్ ఘటనపై సమగ్ర విచారణ జరిపి దోషులను కఠినంగా శిక్షించాలి.
- కేంద్ర విద్యాశాఖ మంత్రి ధర్మేంద్ర ప్రధాన్ రాజీనామా చేయాలి.
- విద్యా రంగానికి తగినంత నిధులు కేటాయించాలి.
- విద్యను కార్పొరేటీకరణ, వ్యాపారీకరణ నుంచి రక్షించాలి.
- విద్యార్థులపై పోలీసు దాడులు, నిర్బంధ చర్యలను వెంటనే నిలిపివేయాలి.
ఈ సమావేశంలో PDSF రాష్ట్ర నాయకుడు సాయి కుమార్, DSFI రాష్ట్ర నాయకుడు సంతోష్ తదితరులు పాల్గొన్నారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
