“ప్రజల ప్రాణ భద్రతే పాలనకు అసలైన పరీక్ష.”
సాలూర, జూలై 9: నిజామాబాద్ జిల్లా సాలూర మండల కేంద్రంలో వీధి కుక్కల బెడద తీవ్రరూపం దాల్చింది. ఒక్కరోజులోనే ఆరుగురిపై వీధి కుక్కలు దాడి చేసి గాయపరిచిన ఘటన స్థానికుల్లో తీవ్ర భయాందోళనకు గురిచేసింది. బాధితుల్లో కొందరికి కాళ్లపై, మరికొందరికి చేతులపై కుక్కలు కరిచినట్లు సమాచారం. గాయపడిన వారు సాలూర ప్రభుత్వ ఆసుపత్రిలో చికిత్స పొందుతున్నారు.
గ్రామంలో గత రెండు రోజులుగా వీధి కుక్కలు వరుసగా ప్రజలపై దాడులు చేస్తున్నాయని స్థానికులు ఆందోళన వ్యక్తం చేస్తున్నారు. చిన్నారులను పాఠశాలలకు పంపాలన్నా, వృద్ధులు, మహిళలు బయటకు రావాలన్నా భయపడే పరిస్థితి నెలకొందని గ్రామస్తులు వాపోతున్నారు.
గ్రామస్థుడు ఎల్ఐసీ దత్తు మాట్లాడుతూ, ఈ సమస్యను ఇప్పటికే గ్రామ సర్పంచ్ దృష్టికి తీసుకెళ్లామని, అయినప్పటికీ ఇప్పటివరకు సమర్థవంతమైన చర్యలు కనిపించలేదని తెలిపారు. “కుక్కలను చంపితే కేసులు పెడతారని చెబుతున్నారు. కానీ ప్రజలను కుక్కలు కరిచి గాయపరిస్తే, వారి ప్రాణాలకు ఎవరు బాధ్యత వహిస్తారు? మరిన్ని ప్రమాదాలు జరిగే వరకు అధికారులు ఎదురుచూస్తారా?” అని ప్రశ్నించారు.
వీధి కుక్కలను విచక్షణారహితంగా చంపడం చట్టవిరుద్ధమే అయినప్పటికీ, ప్రజల భద్రతకు ముప్పుగా మారిన కుక్కలను వెంటనే గుర్తించి పట్టుకోవడం, స్టెరిలైజేషన్, రేబీస్ టీకాలు, అవసరమైతే సురక్షిత కేంద్రాలకు తరలించడం వంటి చర్యలు తీసుకోవడం సంబంధిత శాఖల బాధ్యత అని గ్రామస్తులు పేర్కొంటున్నారు.
, పంచాయతీ, పశుసంవర్ధక శాఖ అధికారులు తక్షణమే ప్రత్యేక బృందాలను ఏర్పాటు చేసి గ్రామంలో సంచరిస్తున్న దూకుడైన వీధి కుక్కలను నియంత్రించాలి. బాధితులకు మెరుగైన వైద్యం అందించడంతో పాటు ఇలాంటి ఘటనలు పునరావృతం కాకుండా శాశ్వత కార్యాచరణ రూపొందించాల్సిన అవసరం ఉంది. ప్రజల ప్రాణ భద్రత విషయంలో నిర్లక్ష్యం ప్రదర్శిస్తే భవిష్యత్తులో మరిన్ని ప్రమాదాలు జరిగే అవకాశం ఉందని గ్రామస్తులు హెచ్చరిస్తున్నారు.
“జంతు సంరక్షణ ఎంత ముఖ్యమో, ప్రజల ప్రాణ రక్షణ అంతకంటే ముఖ్యమనే విషయాన్ని అధికారులు గుర్తించి తక్షణ చర్యలు చేపట్టాలని గ్రామస్తులు మీడియా ద్వారా విజ్ఞప్తి చేశారు.”
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
