“నమ్మకం గెలిచే పోలీసే… ప్రజల భద్రతకు నిజమైన బలం.”
మెండోర, జూలై 3: ప్రజల విశ్వాసాన్ని మరింత పెంచేలా ప్రతి పోలీసు అధికారి, సిబ్బంది నిబద్ధతతో విధులు నిర్వహించాలని నిజామాబాద్ పోలీస్ కమిషనర్ సూచించారు. శుక్రవారం మెండోర పోలీస్ స్టేషన్ను సందర్శించిన ఆయన స్టేషన్లోని వివిధ రికార్డులు, పెండింగ్ కేసులు, దర్యాప్తు పురోగతి, పరిపాలనా విధానాలను క్షుణ్ణంగా పరిశీలించారు.
ఈ సందర్భంగా అండర్ ఇన్వెస్టిగేషన్లో ఉన్న ప్రతి కేసుకు ప్రత్యేక కార్యాచరణ ప్రణాళిక రూపొందించి, నాణ్యమైన దర్యాప్తుతో త్వరితగతిన పూర్తి చేయాలని అధికారులను ఆదేశించారు. ఫిర్యాదుదారులకు సత్వర న్యాయం అందేలా చర్యలు తీసుకోవాలని స్పష్టం చేశారు.
మెండోర పోలీస్ స్టేషన్ పరిధిలో పెరుగుతున్న సైబర్ నేరాల నేపథ్యంలో పాఠశాలలు, కళాశాలలు, గ్రామాలు, సోషల్ మీడియా వేదికల ద్వారా విస్తృత అవగాహన కార్యక్రమాలు నిర్వహించాలని సూచించారు. ముఖ్యంగా ఆన్లైన్ బెట్టింగ్లు, గేమింగ్ యాప్ల వల్ల యువత ఆర్థికంగా, మానసికంగా నష్టపోతున్నందున ప్రజలను అప్రమత్తం చేయాలని పేర్కొన్నారు.
గ్రామాల్లో విలేజ్ పోలీస్ అధికారులుగా పనిచేస్తున్న సిబ్బంది ప్రజలతో సత్సంబంధాలు కొనసాగిస్తూ స్థానిక సమస్యలను వెంటనే ఉన్నతాధికారుల దృష్టికి తీసుకురావాలని సూచించారు. మెండోర పోలీస్ స్టేషన్ సరిహద్దులు నిర్మల్, మెట్పల్లి ప్రాంతాలకు అనుసంధానమై ఉండటంతో వాహనాల రాకపోకలపై నిరంతర నిఘా కొనసాగించాలని ఆదేశించారు.
ట్రాఫిక్ సమస్యల నివారణకు ప్రధాన కూడళ్లలో ట్రాఫిక్ అమలు చర్యలు చేపట్టడంతో పాటు రోడ్డు ప్రమాదాల నివారణపై ప్రజల్లో అవగాహన కల్పించాలని సూచించారు. అలాగే యువత డ్రగ్స్ బారిన పడకుండా గ్రామస్థాయిలో నిరంతర చైతన్య కార్యక్రమాలు నిర్వహించాలని అధికారులకు దిశానిర్దేశం చేశారు.
అనంతరం పోలీసు సిబ్బందితో సమావేశమైన కమిషనర్, అధికారులు, సిబ్బంది 24 గంటలు హెడ్క్వార్టర్స్లో అందుబాటులో ఉండాలని, ఆరోగ్యంపై ప్రత్యేక శ్రద్ధ చూపుతూ ప్రతి ఆరు నెలలకు ఒకసారి హెల్త్ చెకప్ చేయించుకోవాలని సూచించారు. ద్విచక్ర వాహనాలు నడిపే సమయంలో తప్పనిసరిగా హెల్మెట్ ధరించి ట్రాఫిక్ నిబంధనలు పాటిస్తూ ప్రజలకు ఆదర్శంగా నిలవాలని పిలుపునిచ్చారు.
ఈ తనిఖీలో ఆర్మూర్ రూరల్ సీఐ జి. జాన్ రెడ్డి, మెండోర ఎస్సై జె. సుహాసిని, పోలీసు సిబ్బంది పాల్గొన్నారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
