రైతుల భూ సమస్యల పరిష్కారానికి పారదర్శకంగా సర్వే చేపట్టాలని సూచన
బోధన్, అక్టోబర్ 8:
రైతుల రెవెన్యూ భూ సమస్యల పరిష్కారం, భూ రికార్డుల క్రమబద్ధీకరణలో భాగంగా సాలూర మండలం ఫతేపూర్ గ్రామంలో చేపడుతున్న రీ-సర్వే ప్రక్రియను మండల తహసీల్దార్ అజ్మత్ నవాజ్ గురువారం క్షేత్రస్థాయిలో పరిశీలించారు. సర్వే జరుగుతున్న తీరును పరిశీలించిన ఆయన సంబంధిత రెవెన్యూ అధికారులు, సర్వే సిబ్బందికి పలు సూచనలు చేశారు.
ఈ సందర్భంగా తహసీల్దార్ మాట్లాడుతూ.. రీ-సర్వే ప్రక్రియను రైతులకు ఎలాంటి అనుమానాలు, ఇబ్బందులు తలెత్తకుండా పారదర్శకంగా నిర్వహించాలని సూచించారు. ప్రతి పట్టాదారు భూమికి సంబంధించిన హద్దులను క్షేత్రస్థాయిలో సక్రమంగా గుర్తించి, అందుబాటులో ఉన్న భూ రికార్డులతో సరిపోల్చిన అనంతరం వివరాలను నమోదు చేయాలని అధికారులకు సూచించారు.
భూముల హద్దులు, సర్వే నంబర్లు, భూ రికార్డులకు సంబంధించి రైతులకు ఉన్న సందేహాలను అధికారులు క్షేత్రస్థాయిలోనే పరిశీలించి అవసరమైన వివరాలను తెలియజేయాలని అన్నారు. రీ-సర్వే ద్వారా భూ వివరాలను మరింత క్రమబద్ధీకరించడంతో పాటు భవిష్యత్తులో భూ హద్దులు, యాజమాన్యానికి సంబంధించిన వివాదాలను తగ్గించేందుకు చర్యలు తీసుకుంటున్నట్లు తెలిపారు.
గ్రామస్థాయిలో భూ సమస్యలను గుర్తించి, వాటి పరిష్కారానికి అవసరమైన చర్యలను రెవెన్యూ శాఖ సమన్వయంతో చేపడుతున్నట్లు పేర్కొన్నారు. సర్వే ప్రక్రియలో రైతులు, పట్టాదారులు అధికారులకు అవసరమైన సహకారం అందించాలని కోరారు.
ఈ కార్యక్రమంలో బోధన్ డివిజనల్ ఇన్‌స్పెక్టర్, ఫతేపూర్ గ్రామ సర్పంచ్ నూర్ అహ్మద్, ఉపసర్పంచ్ మోసిన్, రెవెన్యూ ఇన్‌స్పెక్టర్ శంకర్, సర్వేయర్ శ్రావణ్ కుమార్, రెవెన్యూ సిబ్బంది తదితరులు పాల్గొన్నారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
