“అప్రమత్తతే ఆరోగ్యానికి తొలి రక్షణ.”
అమరావతి, జూలై 17:
ఆంధ్రప్రదేశ్లో కోవిడ్-19 కేసులు మళ్లీ నమోదవుతుండటంతో వైద్య ఆరోగ్య శాఖ అప్రమత్తమైంది. రాష్ట్రంలో జూన్ 26 నుంచి జూలై 16 వరకు మొత్తం 12 కోవిడ్-19 కేసులు నమోదుకాగా, ఇతర అనారోగ్య సమస్యలు (కోమార్బిడిటీలు) ఉన్న నలుగురు మృతి చెందినట్లు ఆరోగ్య శాఖ వెల్లడించింది.
అధికారుల వివరాల ప్రకారం, కడప, గుంటూరు, కాకినాడ జిల్లాల్లో కేసులు గుర్తించారు. ప్రస్తుతం ముగ్గురు బాధితులు హోమ్ ఐసోలేషన్లో ఉండగా, మరో ఇద్దరు ఆస్పత్రిలో చికిత్స పొందుతున్నారు. ఆరోగ్య శాఖ వారి ఆరోగ్య పరిస్థితిని నిరంతరం పర్యవేక్షిస్తోంది.
రాష్ట్రంలో కోవిడ్ కేసులు వెలుగుచూడటంతో ప్రజల్లో ఆందోళన నెలకొన్నప్పటికీ, ఇది కొత్త కరోనా వ్యాప్తి (అవుట్బ్రేక్) కాదని, విడివిడిగా నమోదవుతున్న స్పోరాడిక్ కేసులేనని ఆరోగ్య నిపుణులు స్పష్టం చేస్తున్నారు. జ్వరం, దగ్గు, శ్వాస సంబంధిత లక్షణాలు ఉంటే వెంటనే వైద్యులను సంప్రదించాలని సూచిస్తున్నారు.
దేశంలోని కొన్ని ప్రాంతాల్లో కూడా కోవిడ్ కేసులు నమోదవుతున్న నేపథ్యంలో, ప్రజలు భయాందోళనలకు గురికాకుండా వ్యక్తిగత పరిశుభ్రత పాటించడం, అవసరమైతే మాస్క్ ధరించడం, అనారోగ్య లక్షణాలు ఉంటే పరీక్షలు చేయించుకోవడం వంటి జాగ్రత్తలు తీసుకోవాలని ఆంధ్రప్రదేశ్ వైద్య ఆరోగ్య శాఖ సూచించింది. ప్రస్తుతం లాక్డౌన్ వంటి పరిస్థితులు లేవని, అప్రమత్తతతో వ్యవహరించాలని అధికారులు స్పష్టం చేశారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
