బోధన్, జూలై 10:
బోధన్ పట్టణంలోని ప్రసిద్ధ ఏకచక్ర శివాలయంలో ఆలయ కమిటీ సభ్యులకు శుక్రవారం ఘన సన్మాన కార్యక్రమం నిర్వహించారు. ఆలయ అభివృద్ధికి విశేష సేవలందిస్తున్న కమిటీ సభ్యులను ఆలయ అర్చకులు శాలువాలు కప్పి, పుష్పగుచ్ఛాలు అందజేసి సత్కరించారు.
ఈ కార్యక్రమంలో ఆలయ అర్చకులు గణేష్ పంతులు, మహేష్ పంతులు తదితరులు ప్రత్యేక పూజలు నిర్వహించారు. అనంతరం ఆలయ చైర్మన్ ఆగంటే లక్ష్మణ్రావు పటేల్, ధర్మకర్తలు ఆరుగొండ శంకర్, జక్కం వీరప్ప, సున్నం గంగాధర్, వీరాపురం మౌనిక పోశెట్టిలను ఘనంగా సన్మానించారు.
ఈ సందర్భంగా ఆలయ కమిటీ సభ్యులు మాట్లాడుతూ, భక్తుల సహకారంతో ఆలయ అభివృద్ధికి మరిన్ని సేవా కార్యక్రమాలు చేపడతామని తెలిపారు. ఆలయ అభివృద్ధి, ధార్మిక కార్యక్రమాల నిర్వహణలో ప్రతి భక్తుడి సహకారం ఎంతో విలువైనదని పేర్కొన్నారు.
కార్యక్రమానికి హాజరైన భక్తులు ప్రత్యేక పూజల్లో పాల్గొని పరమేశ్వరుని దర్శించుకుని ఆశీర్వాదాలు పొందారు. అనంతరం ప్రతి కుటుంబం సుఖసంతోషాలతో ఉండాలని, ప్రజలకు ఆయురారోగ్యాలు, ఐశ్వర్యం కలగాలని భగవంతుడిని ప్రార్థిస్తూ కార్యక్రమం భక్తిశ్రద్ధలతో ముగిసింది.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
