భారత్ దర్శన్ శిక్షణలో భాగంగా భూలక్ష్మి క్యాంపును సందర్శించిన ఐఏఎస్, ఐపీఎస్ సహా పలువురు ఉన్నతాధికారులు
బోధన్: భారత్ దర్శన్ ట్రైనింగ్ ప్రోగ్రామ్లో భాగంగా బోధన్ మండలంలోని భూలక్ష్మి క్యాంపునకు శిక్షణ నిమిత్తం విచ్చేసిన ఐఏఎస్, ఐపీఎస్, ఐఆర్ఎస్, ఐఎఫ్ఎస్, ఐఎఫ్ఓఎస్, ఐఈఎస్ అధికారులకు బోధన్ ఆర్డీఓ మేడమ్ విజయకుమారి, తహసీల్దార్ సమక్షంలో ఘనంగా స్వాగతం పలికారు.
ఈ సందర్భంగా రానున్న ఏడు రోజుల పాటు వారు చేపట్టనున్న కార్యాచరణ, క్షేత్రస్థాయిలో నిర్వహించనున్న కార్యక్రమాలు, వివిధ శాఖల పనితీరు, స్థానిక పరిపాలనకు సంబంధించిన అంశాలపై అధికారులకు వివరించారు.
భారత్ దర్శన్ శిక్షణ కార్యక్రమం ద్వారా ఉన్నతాధికారులకు గ్రామీణ ప్రాంతాల పరిస్థితులు, స్థానిక ప్రజల అవసరాలు, ప్రభుత్వ సంక్షేమ పథకాల అమలు తీరు, గ్రామీణాభివృద్ధి కార్యక్రమాలు, పరిపాలనా వ్యవస్థ పనితీరుపై క్షేత్రస్థాయి అవగాహన కల్పించేందుకు అవకాశం ఉంటుంది. వివిధ ప్రాంతాల్లోని పరిస్థితులను ప్రత్యక్షంగా పరిశీలించడం ద్వారా ప్రజలకు అందుతున్న ప్రభుత్వ సేవలు, స్థానిక సమస్యలు, అభివృద్ధి అవసరాలను అర్థం చేసుకోవడానికి ఈ పర్యటనలు దోహదపడతాయి.
ఈ కార్యక్రమంలో మండల పంచాయతీరాజ్ అధికారి, గ్రామ పంచాయతీ కార్యదర్శి, గ్రామ సర్పంచ్తో పాటు పలువురు అధికారులు, ప్రజాప్రతినిధులు పాల్గొన్నారు.
Author: వాస్తవాలపై ముందడుగు
V1newstelangana.... కలం అమ్ముడుపోకూడదు.. వార్త వంగిపోకూడదు!” “నిజాన్ని నిర్భయంగా చెప్పడమే నిజమైన జర్నలిజం!” “ప్రజా సమస్యలే మా ప్రాధాన్యం.. ప్రజల హక్కులే మా బాధ్యత!”








