పేదవాడికి ఇల్లు ఆస్తి కాదు.. ఆత్మగౌరవానికి ప్రతీక – సొసైటీ చైర్మన్ ఎం. సుందర్ రాజు
జాడి జమాల్‌పూర్‌లో ఇందిరమ్మ ఇళ్ల లబ్ధిదారుల నివాసాల్లో దీపావళి వేడుకలు
సాలూర, నవంబర్ 8:
పేదల సొంతింటి కలను సాకారం చేస్తూ ప్రభుత్వం అమలు చేస్తున్న ఇందిరమ్మ ఇళ్ల పథకం లబ్ధిదారుల జీవితాల్లో కొత్త వెలుగులు నింపుతోందని జాడి జమాల్‌పూర్ గ్రామ సొసైటీ చైర్మన్ ఎం. సుందర్ రాజు అన్నారు.
ప్రభుత్వ సంక్షేమ కార్యక్రమాల నిర్వహణలో భాగంగా ఆదివారం సాలూర మండలం జాడి జమాల్‌పూర్ గ్రామంలో ఇందిరమ్మ ఇళ్ల పథకం ద్వారా ఇళ్లు నిర్మించుకుని గృహప్రవేశాలు పూర్తి చేసుకొని నివాసం ఉంటున్న లబ్ధిదారుల ఇళ్లలో దీపావళి సంబరాలు నిర్వహించారు. ఈ సందర్భంగా లబ్ధిదారులకు ప్రభుత్వం తరఫున దీపావళి శుభాకాంక్షలు తెలియజేస్తూ, ఇంటి నిర్మాణానికి సంబంధించిన చివరి విడత బిల్లుల అంశాన్ని కూడా ప్రస్తావించారు.
ఈ సందర్భంగా సొసైటీ చైర్మన్ ఎం. సుందర్ రాజు మాట్లాడుతూ.. పేదవాడికి ఇల్లు అంటే కేవలం నాలుగు గోడలు, పైకప్పు మాత్రమే కాదని, అది కుటుంబానికి భద్రత, భవిష్యత్తుకు భరోసా, సమాజంలో ఆత్మగౌరవానికి ప్రతీక అని పేర్కొన్నారు. పేద కుటుంబాల సొంతింటి కలను నెరవేర్చేందుకు ఇందిరమ్మ ఇళ్ల పథకం ద్వారా ప్రభుత్వం చేస్తున్న కృషి అభినందనీయమన్నారు.
ముఖ్యమంత్రి రేవంత్ రెడ్డి నాయకత్వంలో ప్రజా సంక్షేమానికి ప్రభుత్వం ప్రాధాన్యతనిస్తూ ముందుకు సాగుతోందని తెలిపారు. ఇందిరమ్మ ఇళ్ల ద్వారా పేద కుటుంబాల జీవితాల్లో వెలుగులు నింపుతున్న ముఖ్యమంత్రి రేవంత్ రెడ్డికి జన్మదిన శుభాకాంక్షలు తెలియజేశారు. అలాగే జాడి జమాల్‌పూర్ గ్రామ ప్రజలతో పాటు సాలూర మండల ప్రజలందరికీ దీపావళి పండుగ శుభాకాంక్షలు తెలిపారు.
ఈ కార్యక్రమంలో గ్రామ సర్పంచ్ శ్రీమతి గోగినేని జ్యోతి, ఇందిరమ్మ కమిటీ సభ్యులు రవి, వైట్ల శ్రీనివాసరావు, నాగేష్, చిగురుపాటి శిరీష, వి. సరస్వతి, గ్రామపంచాయతీ కార్యదర్శి వెంకటేష్, ఉప సర్పంచ్ శ్రావణ్, గ్రామపంచాయతీ వార్డు సభ్యులు షేక్ మజార్, పులి అంజి తదితరులు పాల్గొన్నారు.
Author: వాస్తవాలపై ముందడుగు
V1newstelangana.... కలం అమ్ముడుపోకూడదు.. వార్త వంగిపోకూడదు!” “నిజాన్ని నిర్భయంగా చెప్పడమే నిజమైన జర్నలిజం!” “ప్రజా సమస్యలే మా ప్రాధాన్యం.. ప్రజల హక్కులే మా బాధ్యత!”
