### పీడీఎస్‌యూ వ్యవస్థాపకుడి అమరత్వానికి 50 ఏళ్లు.. బోధన్‌లో విద్యార్థుల ప్రదర్శన…
బోధన్, నవంబర్ 5 (V1 న్యూస్): పీడీఎస్‌యూ వ్యవస్థాపకుడు జంపాల చంద్రశేఖర ప్రసాద్ అమరత్వం పొంది 50 ఏళ్లు పూర్తవుతున్న సందర్భంగా బోధన్ పట్టణంలో గురువారం భారీ విద్యార్థి స్ఫూర్తి ర్యాలీ నిర్వహించారు.
శక్కర్ నగర్ చౌరస్తా నుంచి అంబేద్కర్ చౌరస్తా వరకు విద్యార్థులు భారీ ర్యాలీగా తరలివచ్చారు. జంపాల చంద్రశేఖర ప్రసాద్ ఆశయాలను స్మరించుకుంటూ, విద్యార్థి ఉద్యమాల స్ఫూర్తిని చాటుతూ నినాదాలు చేశారు.
విద్యార్థుల హక్కుల సాధన, సమాన విద్యావకాశాలు, సామాజిక న్యాయం కోసం ఆయన చేసిన పోరాటం నేటి తరానికి స్ఫూర్తిదాయకమని విద్యార్థులు పేర్కొన్నారు. విద్యార్థుల్లో చైతన్యం నింపి, అన్యాయానికి వ్యతిరేకంగా పోరాడే స్ఫూర్తిని అందించిన జంపాల చంద్రశేఖర ప్రసాద్ త్యాగాలను స్మరించుకోవడం ప్రతి ఒక్కరి బాధ్యత అని తెలిపారు.
ఆయన ఆశయాలను కొనసాగిస్తూ విద్యార్థుల సమస్యల పరిష్కారం కోసం ఐక్యంగా ఉద్యమించాలని పిలుపునిచ్చారు. ర్యాలీతో బోధన్ పట్టణంలో విద్యార్థి ఉద్యమ స్ఫూర్తి వెల్లివిరిసింది.
Author: వాస్తవాలపై ముందడుగు
V1newstelangana.... కలం అమ్ముడుపోకూడదు.. వార్త వంగిపోకూడదు!” “నిజాన్ని నిర్భయంగా చెప్పడమే నిజమైన జర్నలిజం!” “ప్రజా సమస్యలే మా ప్రాధాన్యం.. ప్రజల హక్కులే మా బాధ్యత!”
