VB-GRAM G పథకం కింద సోక్పిట్లు, వాటర్ స్టోరేజ్ పాండ్ పనులు ప్రారంభం
సిరికొండ, సెప్టెంబర్ 4:
సిరికొండ మండలం ముషీర్నగర్ గ్రామంలో VB-GRAM G పథకం కింద జల సంరక్షణకు సంబంధించిన పనులు ప్రారంభమయ్యాయి. ఇందులో భాగంగా కమ్యూనిటీ సోక్పిట్లు, వాటర్ స్టోరేజ్ పాండ్ తదితర పనులను ఉపాధి హామీ పథకం కింద చేపడుతున్నారు.
గ్రామంలో వర్షపు నీటిని సద్వినియోగం చేసుకోవడం, భూగర్భ జలాలను పెంపొందించడం, నీటి నిల్వ సామర్థ్యాన్ని మెరుగుపరచడం లక్ష్యంగా ఈ పనులను చేపట్టినట్లు గ్రామస్థులు తెలిపారు. ఉపాధి హామీ పథకం ద్వారా స్థానిక కూలీలకు పని కల్పించడంతో పాటు గ్రామంలో జల వనరుల అభివృద్ధికి ఈ పనులు దోహదపడనున్నాయి.
ఈ పనుల ప్రారంభ సమయంలో ఫీల్డ్ అసిస్టెంట్ దైగావత్ మూతి సింగ్, గ్రామ సర్పంచ్ పిపావత్ లస్కర్ నాయక్, ఉపసర్పంచ్ ధోని మోహన్, వార్డు సభ్యులు, గ్రామ పెద్దలు, స్థానికులు పాల్గొన్నారు. అధికారుల పర్యవేక్షణలో పనులను నాణ్యతా ప్రమాణాలతో పూర్తి చేయాలని గ్రామస్థులు ఆకాంక్షించారు.
“నీటిని ఒడిసిపట్టుకుంటే.. భవిష్యత్తును కాపాడుకున్నట్టే” అన్నట్టుగా జల సంరక్షణ పనులకు ప్రాధాన్యత ఇవ్వడం గ్రామాభివృద్ధికి బాటలు వేస్తుందని పలువురు పేర్కొన్నారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
