సోయాబీన్లో ఫెరోమోన్ ట్రాప్స్తో కీటక నియంత్రణపై అవగాహన
ఖాజాపూర్: గ్రామీణ వ్యవసాయ అనుభవ కార్యక్రమం (RAWE)లో భాగంగా జగిత్యాల వ్యవసాయ కళాశాల విద్యార్థులు ఖాజాపూర్ గ్రామంలోని సోయాబీన్ పంట పొలంలో రైతులకు ఫెరోమోన్ ట్రాప్స్ వినియోగంపై అవగాహన కార్యక్రమం నిర్వహించారు.
ఈ సందర్భంగా విద్యార్థులు ఫెరోమోన్ ట్రాప్స్ ప్రాముఖ్యత, పని విధానం, పొలంలో ఏర్పాటు చేసే పద్ధతి, పర్యవేక్షణ విధానాలను రైతులకు వివరించారు. హానికర కీటకాల మగ పురుగులను ఆకర్షించి పట్టుకోవడం ద్వారా పొలంలో కీటకాల ఉనికిని ముందుగానే గుర్తించడంతో పాటు వాటి ఉధృతిని పర్యవేక్షించవచ్చని తెలిపారు.
అనంతరం సోయాబీన్ పొలంలో అనువైన ప్రదేశాలను గుర్తించి ఫెరోమోన్ ట్రాప్స్ను ఏర్పాటు చేశారు. ట్రాప్స్ను క్రమం తప్పకుండా పరిశీలిస్తూ అందులో చిక్కిన కీటకాల సంఖ్యను నమోదు చేయాలని రైతులకు సూచించారు. కీటకాల ఉధృతి పెరిగినప్పుడు మాత్రమే అవసరమైన సస్యరక్షణ చర్యలు చేపట్టడం ద్వారా అనవసరమైన పురుగుమందుల వినియోగాన్ని తగ్గించవచ్చని వివరించారు.
ఫెరోమోన్ ట్రాప్స్ సమగ్ర సస్యరక్షణ (IPM)లో భాగంగా కీటకాల పర్యవేక్షణకు ఉపయోగపడే పర్యావరణహిత పద్ధతుల్లో ఒకటని విద్యార్థులు పేర్కొన్నారు. వీటి వినియోగంతో కీటకాల ఉధృతిని ముందుగానే గుర్తించి, అవసరమైన సమయంలోనే సస్యరక్షణ చర్యలు చేపట్టడం ద్వారా పంట రక్షణతో పాటు పురుగుమందుల వినియోగ వ్యయాన్ని తగ్గించే అవకాశం ఉంటుందని రైతులకు అవగాహన కల్పించారు.
ఈ కార్యక్రమంలో RAWE విద్యార్థులు, స్థానిక రైతులు పాల్గొన్నారు. విద్యార్థుల ప్రత్యక్ష ప్రదర్శన ద్వారా ఫెరోమోన్ ట్రాప్స్ ఏర్పాటు, వినియోగం, పర్యవేక్షణపై రైతులు ప్రాయోగిక అవగాహన పొందారు.
Author: पेंडकर श्रीनिवास
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
