నిజామాబాద్, మే 9:
నిజామాబాద్ పోలీస్ కమిషనర్ పి. సాయి చైతన్య ఆదేశాల మేరకు జిల్లాలో నిషేధిత గుట్కా విక్రయాలు, నిల్వలపై పోలీస్ శాఖ కఠిన చర్యలు కొనసాగిస్తోంది. ఈ క్రమంలో శనివారం భోధన్ పోలీస్ స్టేషన్ పరిధిలోని ఆచన్పల్లి గ్రామంలో చీత ఫోర్స్ ఆధ్వర్యంలో మెరుపు దాడులు నిర్వహించారు.
సి.సి.ఎస్ ఏసీపీ ఇన్చార్జ్ మస్తాన్ అలీ నాయకత్వంలో జరిగిన ఈ దాడుల్లో HKGN షాప్ డంప్తో పాటు HKGN మటన్ షాప్లో అక్రమంగా నిల్వ ఉంచిన భారీ మొత్తంలో గుట్కా ప్యాకెట్లను అధికారులు స్వాధీనం చేసుకున్నారు.
స్వాధీనం చేసుకున్న గుట్కా సరుకుల అంచనా విలువ సుమారు రూ.30 లక్షలు ఉంటుందని అధికారులు వెల్లడించారు. ప్రజల ఆరోగ్యానికి హానికరమైన గుట్కా మరియు నిషేధిత పొగాకు ఉత్పత్తుల విక్రయాలు, నిల్వలు, రవాణాపై పోలీస్ శాఖ నిరంతరం ప్రత్యేక దృష్టి సారిస్తోందని పేర్కొన్నారు.
స్వాధీనం చేసుకున్న సరుకును తదుపరి చట్టపరమైన చర్యల నిమిత్తం భోధన్ పోలీస్ స్టేషన్ ఎస్హెచ్ఓకు అప్పగించినట్లు అధికారులు తెలిపారు.
Author: V1News Telangana.& Hindi & Mharti.
V1 News & Daily Newspaper is Hiring Reporters V1 News & Daily Newspaper invites applications from enthusiastic and dedicated individuals to join our team as Reporters. Interested candidates can contact: PENDKAR SRINIVAS 📞 9603925163 📞 9834485832
