*
తెలంగాణ ఎన్నికలలో పోటీ చేస్తున్న ప్రత్యర్థులను టార్గెట్‌గా చేస్తూ సోషల్మీడియాలో పోస్టింగులు పెడుతున్నారా? వాటిని చూసి మీరు లైక్కొట్టి షేర్చేస్తున్నారా? అయితే జాగ్రత్త. పోలీసులు మిమ్మల్ని గమనిస్తూనే ఉన్నారు.
హద్దులు దాటి అప్లోడ్ చేస్తున్న పోస్టుల్ని ఎప్పటికప్పుడు పసిగడుతున్నారు. వాటిని అప్‌లోడ్చేస్తున్న వారిపైనా, లైక్కొట్టి షేర్ చేస్తున్న వారిపైనా కన్నేసి పెట్టారు. అవసరమైతే అప్లోడ్ చేస్తున్న వారిపై, లైక్, షేర్ చేస్తున్న వారిపైనా చట్టరీత్యా చర్యలు తీసుకోవాలని భావిస్తున్నారు.
ఈసారి అసెంబ్లీ ఎన్నికలు రణరంగాన్ని తలపిస్తున్న విషయం తెలిసిందే. పార్టీలు ఒకరిపై మరొకరు విమర్శల కోసం సోషల్మీడియాను విస్తృతంగా ఉపయోగిస్తున్నారు.
అన్ని పార్టీలు సైబర్వారియర్స్‌తో ప్రతీరోజూ వందల సంఖ్యలో ప్రత్యర్థులను లక్ష్యంగా చేసుకుంటూ పోస్టింగులను వాట్సాప్గ్రూపులు, ట్విట్టర్, ఫేస్‌బుక్, టెలిగ్రామ్ఇలా అన్ని సోషల్మీడియా వేదికల్లో అప్లోడ్ చేస్తున్నారు.
అయితే ఈ పోస్టుల్లో కొన్ని శృతి మించి ఉంటున్నాయి. దీనిపై ఓ సీఐడీ సీనియర్ అధికారి మాట్లాడుతూ విమర్శ అన్నది హద్దుల్లో ఉంటే సమస్య ఉండదని, ప్రత్యర్థి ప్రతిష్టను దెబ్బతీసేలా పోస్టులు పెడితేనే సమస్య ఉత్పన్నమవుతుందని చెప్పారు.
ఈ క్రమంలో సోషల్ మీడియా పోస్టులపై కన్నేసి పెట్టినట్టు చెప్పారు. దీనికోసం ప్రత్యేకంగా సిబ్బంది పని చేస్తున్నారన్నారు. వ్యక్తిగత ప్రతిష్టకు భంగం కలిగించేలా పోస్టులు పెట్టిన వారిపై చర్యలు తీసుకుంటామన్నారు.
హద్దులు దాటే పోస్టులను చూసి లైక్కొట్టినా, షేర్ చేసినా అలాంటి వారిపై కూడా అవసరమైతే చర్యలు తీసుకుంటామన్నారు. ఇలా వివాదాస్పద పోస్టులకు లైకులు కొడుతూ గ్రూపుల్లో షేర్చేస్తున్న వారిపై కూడా నిఘా పెట్టామన్నారు.
ఐటీ యాక్ట్సెక్షన్67 ప్రకారం ఎవరినైనా టార్గెట్చేస్తూ వల్గర్ కంటెంట్‌ను సోషల్ మీడియాలో అప్లోడ్ చేస్తే అయిదేళ్ల జైలు శిక్ష, రూ.5లక్షల జరిమానా విధించే అవకాశం ఉందని తెలిపారు.
అలాగే సెక్షన్66ఈ ప్రకారం అవతలివారి ప్రైవసీని దెబ్బతీసేలా పోస్టులు పెడితే మూడేళ్ల కారాగార శిక్ష, రూ.3లక్షల జరిమానా పడే అవకాశం ఉంటుందని పోలీస్ అధికారులు చెబుతున్నారు.
Author: V1News Telangana.& Hindi & Mharti.
V1news న్యూస్.&దినపత్రికకు విలేకరులు కావలెను.పెండేకర్.శ్రీనివాస్. సెల్,,9603925163..9834485832.....
