ఏప్రిల్ 23, 2025: బోధన్ నియోజకవర్గంలోని సాలుర మండల కేంద్రంలో, మాజీ ఎంపీపీ బుద్దే సావిత్రి గారి భర్త, మాజీ సర్పంచ్ కీ.శే. బుద్దే రాజేశ్వర్ గారి ప్రథమ వర్ధంతిని పురస్కరించుకొని ఆయన విగ్రహ ప్రతిష్ఠాపన కార్యక్రమం హనుమాన్ మందిరం మార్గంలోని బైపాస్ రోడ్డులో ఘనంగా నిర్వహించారు.
ఈ కార్యక్రమానికి ముఖ్య అతిథిగా హాజరైన బాన్సువాడ ఎమ్మెల్యే, రాష్ట్ర వ్యవసాయ సలహాదారు శ్రీ పోచారం శ్రీనివాసరెడ్డి గారు, రాజేశ్వర్ గారి విగ్రహానికి పూల మాలవేసి నివాళులు అర్పించారు. ఆయన మాట్లాడుతూ, “రాజేశ్వర్ గారు స్వప్రయోజనాలను పక్కన పెట్టి ప్రజల సేవకే తన జీవితాన్ని అంకితమిచ్చారు. ఆయన సేవా దృక్పథం మనకు ఆదర్శంగా నిలవాలి,” అని తెలిపారు.
ఈ సందర్భంగా విగ్రహ ప్రతిష్ఠాపనకు సహకరించిన దాత రాజు సార్ గారిని ఘనంగా సన్మానించారు. కార్యక్రమంలో బోధన్ మార్కెట్ కమిటీ అధ్యక్షుడు శ్రీ రాజు, కోటగిరి మార్కెట్ కమిటీ అధ్యక్షుడు గైక్వాడ్ హన్మంతు, TPCC డెలిగేట్ గంగా శంకర్, మాజీ జెడ్పీటీసీ ఎగ్డోల్లి శంకర్, ఇతర ప్రజా ప్రతినిధులు, గ్రామస్థులు పెద్దఎత్తున పాల్గొన్నారు.
రైతుల సంక్షేమం, విద్యా అభివృద్ధి, రహదారుల నిర్మాణం వంటి రంగాల్లో రాజేశ్వర్ గారి సేవలను పలువురు వక్తలు గుర్తు చేశారు. “నేనున్నా” అనే మాటతో ప్రజలకు ధైర్యం ఇచ్చిన ఆయన, యువతకు మార్గదర్శిగా నిలిచే నాయకుడని కొనియాడారు.
ఈ వేడుకలో ప్రజల ఉత్సాహం, నాయకుల ప్రసంగాలు, ఘన నివాళులు కలిసి ఈ కార్యక్రమాన్ని స్ఫూర్తిదాయకంగా తీర్చిదిద్దాయి.
Author: V1News Telangana.& Hindi & Mharti.
V1news న్యూస్.&దినపత్రికకు విలేకరులు కావలెను.పెండేకర్.శ్రీనివాస్. సెల్,,9603925163..9834485832.....
