ఔషధ ధరల పెంపు: ఏప్రిల్ 1 నుంచి అమల్లోకి!
కేంద్ర ప్రభుత్వం కొత్త ఆర్థిక సంవత్సరంలో మెడిసిన్ ధరలను పెంచింది. జాతీయ ఔషధ ధరల అథారిటీ (NPPA) 900కు పైగా ఔషధాల ధరలను సవరించినట్లు ప్రకటించింది. పెరిగిన ధరలు ఏప్రిల్ 1 నుంచి అమల్లోకి రానున్నాయి.
WPI ఆధారంగా ఏటా ఔషధ ధరలు సవరించాల్సిన నిబంధన ప్రకారం, ఈసారి గరిష్టంగా 1.74% వరకు మెడిసిన్ ధరలు పెరిగాయి. ముఖ్యంగా గుండె సంబంధిత, డయాబెటిస్, యాంటీబయాటిక్స్, పెయిన్ కిల్లర్స్, యాంటీవైరల్ ఔషధాల ధరలు పెరిగాయి.
ప్రధాన ఔషధాల కొత్త ధరలు:
డైక్లోఫెనాక్ (పెయిన్ కిల్లర్): ₹2.09
ఇబుప్రోఫెన్ 200 mg: ₹0.72, 400 mg: ₹1.22
అమోక్సిసిలిన్ + క్లావులానిక్ యాసిడ్ డ్రై సిరప్: ₹2.09/ml
డయాబెటిస్ మందు (డపాగ్లిఫ్లోజిన్ + మెట్ఫార్మిన్ + గ్లిమెపిరైడ్): ₹12.74
యాంటీవైరల్ ఎసిక్లోవిర్ 200 mg: ₹7.74, 400 mg: ₹13.90
స్టెంట్ల ధరలు కూడా పెరిగాయి. బేర్ మెటల్ స్టెంట్ గరిష్ట ధర ₹10,692.69కి పెరిగింది. డ్రగ్-ఎలుటింగ్ స్టెంట్ ధర ₹38,933.14గా ఫిక్స్ చేశారు.
NPPA ప్రకారం, WPI ఆధారంగా ఔషధ తయారీదారులు ప్రతి ఏడాది గరిష్ట రిటైల్ ధరలను సవరించుకునే అవకాశం ఉంది. ఈసారి కేంద్రం అనుమతితో 900 మందుల ధరలు మారాయి.
రోగులు, ఆసుపత్రులు, మెడికల్ స్టోర్లపై దీని ప్రభావం ఏమిటి?
మెడిసిన్ ధరల పెరుగుదల రోగులపై ఆర్థిక భారం పెంచే అవకాశం ఉంది. ముఖ్యంగా దీర్ఘకాలిక వ్యాధులతో బాధపడుతున్నవారు దీని ప్రభావాన్ని ఎక్కువగా ఎదుర్కొనవచ్చు. ప్రభుత్వ నియంత్రణలో ఉన్న ఔషధాల ధరలు మాత్రమే WPI ఆధారంగా పెరగగా, ఇతర మెడిసిన్ ధరలు మార్కెట్ పరిస్థితులపై ఆధారపడి మారుతాయి.
Author: V1News Telangana.& Hindi & Mharti.
V1news న్యూస్.&దినపత్రికకు విలేకరులు కావలెను.పెండేకర్.శ్రీనివాస్. సెల్,,9603925163..9834485832.....
